గ్రామీణ ,ఆదివాసీ ప్రాంతాల ప్రజల సమస్యలను లోతుగా అధ్యయనం చేయడం. ప్రజల ఆకాంక్షలకు, హక్కులకు అనుగుణంగా నిర్ధిష్ట డిమాండ్లు రూపొందించడం. డిమాండ్ల సాధనకు ప్రజల భాగస్వామ్యంతో స్వతంత్ర్య కార్యాచరణ చేపట్టడం.

భావ సారూప్యత కలిగిన, ఉమ్మడి నిర్ణయాలకు కట్టుబడి ఉండే సంఘాలతో కలసి లక్ష్యాల సాధనకు స్థానిక, జాతీయ స్థాయిలో ఐక్య కార్యాచరణ చేపట్టడం.

అంతర్జాతీయంగా ఆర్ధిక, రాజకీయ రంగాలలో వస్తున్న మార్పులు, భారత దేశ గ్రామీణ, ఆదివాసీ ప్రాంతాల ప్రజలపై, పర్యావరణంపై వాటి ప్రభావం గురించి నిరంతర అధ్యయనంతో సంస్థ అవగాహనను మెరుగు పరుచుకోవడం, దానికి అనుగుణంగా కార్యాచరణలో మార్పులు చేసుకోవడం.

దేశ ప్రజలను దోపిడీ చేసే, వివక్ష చూపే అన్ని రకాల ఆర్ధిక,రాజకీయ, సామాజిక, సాంస్కృతిక అంశాలపై సంస్థ వైఖరిని స్పష్టంగా వెల్లడించడం. వాటికి వ్యతిరేకంగా సాగే ప్రజాస్వామిక ఉద్యమాలలో క్రియాశీలంగా భాగం అవ్వడం. పౌర, ప్రజాస్వామిక, మానవ హక్కుల కోసం రాజీ లేని కృషి కొనసాగించడం.